最後更新 2025 年 11 月 17 日
愛玩小生同大家分享一個超正的福岡一日遊行程「Klook福岡由布院別府一日遊」，只需$330，就可以一次過去由布院、別府海地獄、如意輪寺、由布岳同灶地獄五大熱門景點！行程早上在福岡車站集合，下午6:30左右完結，完全唔使自己plan行程，又唔使追趕火車，最適合想輕鬆玩嘅朋友啦！
福岡由布院別府一日遊
第一站︰別府溫泉
別府海地獄是別府市著名嘅溫泉景點之一，以其獨特的地熱景觀聞名，亦是必到的打卡景點呀！這裡的溫泉有不同的顏色，有紅橙色、淺藍色等，仲有噴氣同泥漿沸騰的地熱奇觀！愛玩小生除了在冰島見過之外2好少有溫泉景點有類似的！
此外，一日團亦安排參觀「灶地獄」，這裡集齊別府的地熱奇觀的主題公園。灶地獄有6種不同的地熱溫泉，各池水質、顏色同地熱活動特徵都唔同，還有專人講解和展示泉水的特別特徵！
本地玩樂優惠- 大嶼山 | 大澳交通全攻略 （巴士｜船時間表）
- 2024年 | 香港水上活動租借及價錢資料、路線玩法 (獨木舟／直立板／浮潛)
- 每月更新 | 信用卡迎新 (附獨家連結)
- [酒店Staycation] 24小時住宿延遲Late Check Out酒店大全
- 澳門船票｜比較、買一送一優惠、時間表 (2024更新)
- 香港好去處精選合集 [不斷更新]
- Klook、KKday、Agoda優惠列表 (不斷更新)
|
|
仲有呢度以「地獄蒸し」料理聞名，我試咗用地熱蒸煮的地獄蒸醬油布丁及溫泉蛋，風味真係好特別！溫泉蛋外殼是白色，但內面是啡色的，香氣撲鼻，令人回味無窮！
另外，灶地獄仲提供免費足浴，溫度適中，更免費提供毛巾，好貼心呀。
第二站︰由布岳登山起點
於由布岳登山起點短暫停留，在佈滿紅葉的由布岳做背景，加上大片的草地，再帶點芒草，影到好多靚相呢！
第三站︰由布院
由布院的確是一個充滿童話感的小鎮！金鱗湖的寧靜美景令人心曠神怡，湖面上嘅水上鳥居，更是打卡必到位！剛好在秋天來到，我在這裡影了不少紅葉的靚相呀！
之後，我們漫步走入由布院著名的童話小鎮，周圍都好有宮崎駿動畫色彩的建築同小店，彷彿進入咗《龍貓》的世界呀！旅行團來說，由布院有足夠時間(2個小時)可以慢遊，慢慢感受呢份悠閒同浪漫，真係好舒服！
第四站︰如意輪寺
來到一日遊的最後一站「如意輪寺」。這裡是一個寧靜的寺廟，放置超過10,000隻青蛙，供奉觀音。剛好遇到廟宇的亮燈節，可以感受一下日本傳統文化嘅氛圍，真係好寫意呀。
廣 告
總結分享
總括來講，今次呢個一日遊行程CP值算好高！$330就可以一次過去完5大熱門景點，完全唔使自己plan行程，最適合唔想煩或者唔想追趕火車嘅朋友啦！由布院有足夠時間可以慢遊，感受金鱗湖嘅寧靜，同水上鳥居打卡，亦可以走入好有宮崎駿動畫色彩嘅小鎮，真係一個完美的一日遊呢！
一日遊的實用資料
- 所參加的團︰按此了解詳情
- 集合地點：福岡車站
- 行程時間：早上集合，下午18:30完結
- 景點包括：由布院、別府海地獄、如意輪寺、由布岳、灶地獄
- 推薦：適合不想plan行程或不想追趕火車的朋友
