新手攻略 | 珠海長隆海洋王國︰ 一日玩盡動物、機動遊戲與夜間煙花

最後更新 2026 年 8 月 21 日

距離香港近近地，珠海橫琴長隆海洋王國有超過400種動物、8大主題區、約15個機動遊戲，晚上更有煙花無人機表演！愛玩小生將海洋王國一日遊的行程攻略，同大家分享！岩曬第一次去珠海長隆的朋友 Plan 行程啦！

實用資料

愛玩小生先比大家一個重要的概念︰園區不單此睇海洋生物，還有動物劇場及機動遊戲！以下是最新園區的地圖︰

官網︰https://www.chimelong.com/zh/oceankingdom/

官方價錢︰

• 正價︰RMB$450
• 小童及長者門票︰RMB$315
• 青少年門票︰RMB$360

提提大家，官網買門票是最貴的！愛玩小生在下文有幫大家格價，入場費會平d！

珠海長隆海洋王國有咩玩？

園區主要分為8大主題區，有齊海洋生物的展館、動物表演劇場、不同刺激程度的機動遊戲，以及多間Foodcourt。正如上面的地圖顯示，主題樂園由一條主街環型所組成，建議大家可以環一個圈去玩，順時針或者逆時針去每個主題區。

各主題區包括：

• 海洋大街：入園後可以先影相、睇大型海洋主題裝飾，亦係集合商店同餐飲嘅位置。

• 海豚灣：可觀賞海豚，部分時間會有相關動物展示或互動活動。

• 雨林飛翔：較適合鍾意刺激感嘅旅客，有較多動感機動遊戲。

• 海洋奇觀：好多旅客入園必去，尤其是大型水族館與鯨鯊觀賞區，影相效果幾震撼。

• 極地探險：想睇北極熊、白鯨等極地動物，就要預留時間行呢一區。

• 橫琴海：夜間表演、巡遊及煙花無人機演出通常都係焦點，記得不要太早離園。

• 英雄島︰有齊各款小動物及即場餵動物體驗，遊樂設施主要適合小朋友。

• 海象山︰有得玩全園最刺激的激流、海獅及海象館

必睇海洋動物與展館

珠海長隆海洋王國其中一個最大賣點，就係可以近距離欣賞不同海洋及極地動物。不過，主題樂團的動物種類極多，第一次去未必可以所有動物睇曬！(而且仲要留時間去玩機動遊戲及劇場呀！)。

以下愛玩小生挑戰5個必睇的動物展館及劇場︰

熱門必睇動物包括：

• 白鯨：樣子和外型都好可愛，游水時動作好優雅，有時更會隔著玻璃跟小朋友做鬼馬動作！
  
  

• 鯨鯊：這是長隆海洋王國必睇的動物之一！體型非常巨大，比巴士更要大呀！在室內的水族館內游過時，現場睇會覺得好震撼，亦是園內代表性打卡位之一！
  
  

• 北極熊：好少動物園有北極的動物，在極地探險區嘅北極館，有北極狐、北極狼，仲有必睇的北極熊(不過只有1隻)。
  
  

• 海豚：海豚館有2個，其中一個是珍惜的中華白海豚！此外，仲有海豚劇場，每日中午起都有幾場表現(官網每日更新)，表演時間大概1小時，更有機會被揀中上台，跟海豚互動，非常值得睇呀！(建議提早30分鐘排隊)
  
  

• 其他海洋生物︰企鵝、海獅、海象都各自有室內的展館，尤其夏天或雨天去，可以慢慢欣賞及順便乘涼呀！哈哈！

部分活動或戶外小動物的展館，可以即場提供動物餵飼、互動體驗及合照機會。

有咩機動遊戲值得玩？

除咗動物展館，珠海長隆海洋王國都有不少機動遊戲，刺激程度由親子級到較有速度感嘅設施都有。不想全日都睇動物，可以去玩遊樂設施區。一般來說，排隊時間大概20-30分鐘就玩到，不算太耐！

• 親子遊樂場及兒童設施：建議去「英雄島」區，適合幼兒放電！5D城堡影院，有30分鐘的卡通片，一邊帶大家探險，一邊有多重視覺、聽覺等體感體驗！

• 刺激機動遊戲︰必玩「雨林飛翔」的過山車和雨林升降塔、最激就是「海象山」的超級激流，大概10層樓高的激流過山車， 一定會濕身呀！(記得帶多套衫更換呀！)
  
  

晚間必睇︰夜光大巡遊、無人機及煙花

如果打算由朝玩到晚的朋友，建議大家必睇夜光大巡遊及煙花表演！

每晚7:15分開始，於海洋大街有大概5部燈光閃閃的花車，圍著主題樂園巡遊一圈， 巡遊表演大概45分鐘！建議大家企在海豚灣和橫琴海之間的大街。

請大家踴躍參與：

本地玩樂優惠

• 大嶼山 | 大澳交通全攻略 （巴士｜船時間表）
• 2024年 | 香港水上活動租借及價錢資料、路線玩法 (獨木舟／直立板／浮潛) 
• 每月更新 | 信用卡迎新 (附獨家連結)
• [酒店Staycation] 24小時住宿延遲Late Check Out酒店大全
• 澳門船票｜比較、買一送一優惠、時間表 (2024更新)
• 香港好去處精選合集 [不斷更新]
• Klook、KKday、Agoda優惠列表 (不斷更新)