佐賀國際熱氣球節2025全攻略｜福岡出發交通、會場市集美食、打卡位全分享

最後更新 2025 年 11 月 4 日

愛玩小生同大家分享日本「佐賀國際熱氣球節」的遊玩攻略！每年11月，佐賀市都會舉辦一個大型的熱氣球節，是日本最壯觀的節慶之一。2025年，我特意由福岡出發，親身感受這場大型活動，即使遇到小小遺憾，依然玩得超盡興！馬上同大家分享我的遊玩攻略啦！

交通懶人包：福岡直達會場超簡單

今次我專門由福岡坐JR列車到佐賀睇國際著名的熱氣球節。從博多站乘坐JR特急，約45分鐘就到達佐賀站，然後轉乘普通列車，兩個站即到達會場附近的車站「ＢＡＬＬＯＯＮ佐賀 バルーンさが駅」，這站只限活動期間開放呀！建議大家預先購買JR北九州Pass，來回車費更划算呢。

熱氣球節兩大時段：晨光VS黃昏

熱氣球節分為早上及黃昏時段，各有特色！早上時段最正係可以現場報名付款乘坐熱氣球升空，感受飛翔樂趣。而且清晨光線柔和，多個造型可愛的熱氣球——包括動物、卡通人物等，打卡影相非常靚！不過因為我由福岡出發，所以只能睇黃昏的比賽時段，大約2小時的表演都足夠震撼呢。

意外插曲：大風下的節慶體驗

雖然當天大風，熱氣球比賽臨時取消，係有啲可惜⋯⋯但係！熱氣球節有一個沿河川的大型市集，反而成為今次旅程的驚喜。市集內有超過50個檔攤，包括美食檔攤、遊戲檔攤以及本地特產檔攤，可以慢慢行，慢慢食，不知不覺就玩了整個下午！

 本地玩樂優惠

• 大嶼山 | 大澳交通全攻略 （巴士｜船時間表）
• 2024年 | 香港水上活動租借及價錢資料、路線玩法 (獨木舟／直立板／浮潛) 
• 每月更新 | 信用卡迎新 (附獨家連結)
• [酒店Staycation] 24小時住宿延遲Late Check Out酒店大全
• 澳門船票｜比較、買一送一優惠、時間表 (2024更新)
• 香港好去處精選合集 [不斷更新]
• Klook、KKday、Agoda優惠列表 (不斷更新)

必食推薦：市集美食掃街攻略

佐賀和牛串燒：油脂分布均勻，入口即化，一定要試！
巨峰葡萄特飲：使用佐賀特產葡萄，清甜解渴
燒烤串：即燒的雞皮、豚肉，鮮味十足

打卡位推介：熱氣球+草地野餐

雖然無緣見到熱氣球升空，但大會特別設置了多個固定展示的熱氣球，配合河川背景，影相一樣靚爆鏡！大家亦可以附近的草地野餐，如連埋熱氣球，景觀會更美呀！我見到不少日本家庭自備野餐墊，一邊品嚐美食，一邊欣賞熱氣球，氣氛超級悠閒。

實用資訊懶人包

• 活動日期：2025年10月底至11月初（具體日期待官方公布）
• 交通：福岡博多站→JR佐賀站（約45分鐘）→轉乘當地電車（2個站）
• 建議時間：黃昏時段（16:00-18:00），光線最適合拍照
• 費用：入場免費，熱氣球體驗需額外付費
• 貼士：帶備野餐墊、相機備用電池、保暖外套（傍晚會轉涼）
• 官方網站：https://www.sibf.jp/

今次雖然無見到熱氣球比賽，但係佐賀熱氣球節的市集同打卡位依然令人值得一去！建議大家計劃行程時，可以考慮在佐賀住一晚，咁就可以同時體驗早上同黃昏兩個時段啦。期待下次再訪時，能夠見到滿天熱氣球的壯觀場面！