馬灣 | RIVA灣Bar&Grill – 西餐廳食評

今日Happy Sunday，就同朋友搭車入去馬灣行吓沙灘relax 吓。見到附近有間西式餐廳 – RIVA灣Bar&Grill ，環境唔錯同座位好闊落，就入咗去試試！(延伸閱讀︰ 大嶼山｜青馬大橋下。馬灣東灣沙灘（交通、野餐、日落夜景）)

本網為媒體贊助伙伴，全力支持慈善活動：

廣 告

今次食飯叫咗個Mediterranean Pizza，雖然呢個Pizza係素食冇肉，但鋪滿住青椒、紅椒、蕃茄、紅蔥頭同橄欖，非常豐富，重點係pizza 嘅面頭有好多好多芝士，一切落去就有拉絲嘅感覺，超級惹味！坊間唔係好多Pizza店做到呢個效果，所以呢個係必叫 Pizza 底非常薄脆，口感似食緊cracker ，好過癮。當然，如果你唔鍾意食素，都可以揀Hawaii或者燒烤雞肉嘅Pizza ，一樣咁正！

再嚟一個西班牙炒飯，都香噴噴同相當豐富，有大蝦、青口、蜆肉、青椒同紅椒。呢碟飯有成7, 8 隻蝦同超多蜆肉，廚師都好大方吓，所以食落去口感好飽滿，飯粒炒得粒粒分明，唔會黐埋一舊舊！

最後，點了兩杯嘢飲，Fruit Punch 同 Pineapple lemonade，都是非酒精飲品的Moctail，味道清爽又甜甜地，啱晒女仔飲同打卡！

RIVA灣Bar&Grill

地址：馬灣珀麗路8號珀麗灣沙灘廣場1樓1-3號舖