1. Home
  2. 九龍
  3. 食評 | 尖沙咀凱悅海鮮自助餐 (任食龍蝦、蟹腳、刺身) – 買二送二優惠
食評 | 尖沙咀凱悅海鮮自助餐 (任食龍蝦、蟹腳、刺身) – 買二送二優惠
0

食評 | 尖沙咀凱悅海鮮自助餐 (任食龍蝦、蟹腳、刺身) – 買二送二優惠

0
分享:

最後更新 2024 年 6 月 16 日

尖沙咀凱悅酒店 Hyatt Regency Hong Kong (Tsim Sha Tsui) 的酒店晚市自助餐最出名就是海鮮自助餐和燒烤美食呀!任食海鮮包括:龍蝦蟹腳翡翠螺、小龍蝦等。最近酒店更推出買2送2的自助餐優惠,立即跟大家分享啦!


廣 告


尖沙咀凱悅酒店位於K11 Art Mall 的大樓,由河內道的酒店入口,乘搭電梯到大堂,就是自助餐的凱悅咖啡廳入口。酒店自助餐由星期一至五都有不同主題的美食:地中海風情、亞洲風味、滋味蟹饌、周末海鮮盛宴等,不過任食龍蝦、蟹腳風就每一晚都有呀!逢周五及周未的海鮮選擇更豐富呀!

今次,愛玩小生是星期二來享用自助餐,座位分隔寬落,平日也不太多人,非常舒適。此外,大家亦可以在收到預訂確認時,跟咖啡廳職員備註座位要求。咖啡廳有提供卡位、長枱、圓枱,適合不同食客的要求呀。

自助餐食評分享

愛玩小生認為這家自助餐重點必食美食及冰鎮海鮮有新鮮的波士頓龍蝦、蟹腳、凍蝦、小龍蝦、藍青口、翡翠螺等等。單單吃海鮮,一個鐘都未必試得曬呀!(尤其龍蝦控和蟹腳控的朋友!)酒店會不斷添放海鮮,所以見到排長龍的話,愛玩小生會建議大家先去食其他美食啦!

任食龍蝦

食自助餐,當然要龍蝦回本啦!平日都有提供即叫即烚龍蝦,每隻龍蝦經上湯煮熟,保留最新鮮的龍蝦,肉質彈牙,提供泰式醬汁等自選調味,非常好味!

任食蟹腳

長腳蟹亦是非常受歡迎的冷鎮海鮮之選!無限量供應之外,蟹腳肉質新鮮,保留著淡淡的海水咸味和蟹肉味!

主題美食

愛玩小生當晚是星期二的「地中海風情」主題,每枱客人都提供的白酒煮青口,輕輕的白酒配上彈牙的青口,很好的開胃菜呀

此外,在餐亦有大廚燒有骨肉眼、羊髀。當中,燒羊髀不會太羶味,且帶有青香的香草味,肉質軟熟,好味呀!

酒店亦有即切刺身,當中三文魚、吞拿魚刺身甘甜可口,入口充斥魚油香氣,質素不錯呀!

另外,酒店自助餐亦有即炸天婦羅、即煎大頭蝦,香脆可口,值得一試呀!

至於中菜方面,自助餐提供燉湯、燒味、即叫即煮湯麵、瑤柱西蘭花、酸菜魚、龍蝦鉗等等!

多款甜品蛋糕

對於甜品來說,愛玩小生就非常滿意呀!甜品有多款蛋糕、果撻、5款Haagen Daz口味雪糕、窩夫、豆腐花、生果、芒果糯米飯等等!滿足曬所有甜品的慾望呀!

酒店的拿破崙蛋糕,香脆可口,甜度適中,配搭紅莓的酸味,不會覺得膩呀!

果撻亦有士多啤梨、果仁口味,脆口撻皮,每口都微甜口味,好食呀!

甜品真在太多款式,多到試唔曬呀!詳情可以睇短片吧~

整體來說,按酒店推出的「買二送二」優惠,每位淨價港幣$448.8起,愛玩小生認為價錢不算太貴,食物款式都多選擇,重點是有龍蝦、蟹腳等海鮮任食,值得一試!以下是在官網截錄的每周自助晚餐主題,供大家參考。

咖啡廳自助晚餐主題

  • 星期一︰異國美饌
  • 星期二︰地中海風情
  • 星期三︰亞洲風味
  • 星期四︰味遊歐洲海陸
  • 星期五:滋味蟹饌
  • 星期六至日:海鮮盛宴

至於自助餐訂位,愛玩小生建議大家可以直接在酒店網站預訂,確保有位呀!

優惠詳情及自助晚餐資料

自助晚餐時間︰晚上6:00至10:00PM
官網預訂︰https://www.tablecheck.com/zh-TW/hyatt-regency-hong-kong-tsim-sha-tsui-cafe/reserve/message
優惠預訂︰ KKday | Klook 


分享:

iPlayHK優惠預訂Coupon
如果喜歡愛玩小生的分享,歡迎讚好Facebook 專頁!
免費訂閱 iPlayHK 電子報:
定期推介香港好去處、旅遊資訊及優惠!
筆者簡介 - 愛玩小生,喜歡假日周圍玩的香港人,開心又一日、不開心又一日,不如為大家介紹香港和海外值得旅行的好去處,讓生活多一點歡樂!

合作查詢:hello@iplayhk.com