[行山路線] 「昂步棧道2019」競賽組(29公里)

「昂步棧道2019」競賽組的精英參加者，相信有決心走完今屆最長的路線29公里路線吧！這條路線考驗各參加者的跑山競賽體能，究竟整段路線是怎樣走的？以下文章就帶大家看看吧！

東涌29公里行山路線：

東涌東薈城名店倉 (起點) → 黃龍坑郊遊徑 → 爛頭營 → 伯公坳 (檢查站) → 南大嶼郊遊徑 → 鳳凰徑 10 段 → 石壁水塘 (檢查站) → 石壁郊遊徑 → YHA昂坪戴維斯青年旅舍 (檢查站) → 彌勒山郊遊徑 → 昂坪360 救援徑 → 東涌東薈城名店倉 (終點)

詳細路線

1) 東薈城

於東薈城出發之後，經過東堤灣畔行人路、隧道、天橋，就會到黃龍坑道口，再向前行就會見到古蹟東涌天后宮。相傳呢間全石造嘅廟，曾經喺清末海盜橫行時，保護村民避過一劫，村民此後對天后都敬奉有加。

2) 到達上山起點 – 黃龍坑郊遊徑
沿黄龍坑道行到尾，見到水務署嘅入口後，一直行就到黃龍坑郊遊徑起點啦！一開始最辛苦係連綿不斷嘅石階，加上梯級上落差大，而且悶熱又濕，一直咁行其實都幾攰，記住保留體力喺後段路呀！

經過一大段嘅樓梯，就準備挑戰爛頭營啦！沿路行多一陣就開始見到啲石屋仔同怪石，村民又名之「爛頭山」，眺望附近嘅環境亦都十分優美同舒服。沿大東山山腰跑，大嶼山南部景色盡入眼簾，邊欣賞而個旅遊熱點，邊比賽！好快就會到Check-point 1－伯公坳啦，準備進攻鳳凰徑10段！

3) 鳳凰徑10段
完成黃龍坑郊遊徑後，經過埋大東山同二東山之間嘅山坳抵伯公坳，就會到鳳凰徑10段。該段沿途十分平坦易走，環境清幽，更可以喺高處觀賞長沙同塘福嘅沙灘。講多少少畀大家知，長沙上村海濱出土咗大量新石器時期、青銅器時期同唐代等文化遺存，係香港五大考古遺址之一。

>

 本網旅行優惠

◼ 秋冬必玩：香港Glamping 露營車、Camping 地點 (概覽)

◼️ [酒店Staycation] 24小時住宿延遲退房酒店大全｜Klook、KKday、Agoda優惠列表 (不斷更新)

◼️ $5000電子消費券｜可以買咩、玩咩好？精選8個消費券玩樂購買推薦！

◼MOX訂酒店5%回贈 + 指定連結 + 開戶碼「WXRNZJ」開戶消費送HK$200

◼ 酒店格價平台 Hotelcombined   

◼香港旅遊優惠券（每月更新）

4) 石壁水塘

之後就到路線嘅Check-point 2－石壁水塘，沿岸有陡峭嘅山坡同岩石形成獨特嘅風景。經過閘口直走，橫過引水道就係石壁郊遊徑嘅入口。巡石壁郊遊徑上攀過一段斜嘅梯級，大部分路段嘅坡度較緩，中後段視野無阻，難度不高。若配合時節，更有機會遇上多種野生杜鵑。

5) 準備回程 – 昂坪360救援徑
行完石壁郊遊徑，會到Check-point 3 －YHA昂坪戴維斯青年旅舍嘅檢查站，補充一下體力之後，就到最後嘅挑戰－彌勒山郊遊徑！喺昂坪360救援徑嘅木棧道上沿住一架又一架纜車嘅軌跡，跑回終點東薈城名店倉作結，全程時限8小時。

呢個山賽路線都算幾豐富，如果想挑戰自己，就快啲報名參加啦！

「昂步棧道 2019」

活動日期：2019年1月20日 (星期日)
起點及終點：東涌東薈城名店倉露天廣場
詳情及報名方法：http://npcw.yha.org.hk
報名日期：即日起至12月2日 (星期日)