灣仔打卡Cafe | JAJA 粉紅海景素食餐廳 ~ 精選3層下午茶 (附:優惠連結)

灣仔有一間隱世海景打卡Cafe呀！愛玩小生無意之中，發現香港藝術中心有一間粉紅色系裝飾、好適合影相打卡的 JAJA 餐廳！ 雖然餐廳以素菜為主，但主題下午茶都不算差呀！不過，想食下午茶要提早2日預訂枱，Walk-in 未必有得食！（原來指定網站Book更抵！詳見下文）

JAJA 餐廳位於香港藝術中心的6樓，網上Instagram 和 Openrice 都見到有好多打卡靚相，就決定試試啦！

 本網玩樂優惠

• 大嶼山 | 大澳交通全攻略 （巴士｜船時間表）
• 2023年 | 香港水上活動租借及價錢資料、路線玩法 (獨木舟／直立板／浮潛) 
• 每月更新 | 信用卡迎新 (附獨家連結)
• [酒店Staycation] 24小時住宿延遲Late Check Out酒店大全｜Klook、KKday、Agoda優惠列表 (不斷更新)
• 澳門船票｜比較、買一送一優惠、時間表 (2023更新)

「仲夏果漾下午茶」的三層下午茶以花花電動轉盤形式送上，甜點甜度剛剛好，配搭鹹點一起吃，不會太膩呀！最欣賞就是英式鬆餅，紅桑子味道清新，好好味！不過，日式水果三文治則較為一般，生果不算新鮮且三文治不似日本吃到的挺身呀！

餐廳分為兩個區域，可以讓客人選擇「海景卡位」或者「室內花花牆」。愛玩小生就選擇了海景位，望著維港嘆下午茶、跟朋友聊天，周邊更有好多熊啤啤和公仔供女士打卡之用呀！

整個下午茶用餐時間約2小時，價錢為$388(再加一服務費)，定價算合理。愛玩小生是在官網訂位的，不過原來以下網站Book會更抵！

JAJA 下午茶預訂方法︰Klook – HK$331 | KKday (85折)

餐廳地址︰灣仔港灣道2號香港藝術中心6樓