天后飲食 | 烤烤屋 Tori-Za Ten 食評

今次，愛玩小生跟朋友去咗一間位於天后嘅精緻fusion餐廳 「烤烤屋 Tori-Za Ten」。餐廳門口嘅裝修非常特別，有一個裝滿住唔同種類嘅蛋糕櫥櫃，同埋色彩繽紛嘅花花牆，好適合充滿住少女心嘅朋友去打卡。入到去間餐廳，就feel 到50、60年代嘅美國風，有五光十色既射燈、貼喺牆上面好colorful嘅poster同好chill嘅千秋。

 本網玩樂優惠

• 大嶼山 | 大澳交通全攻略 （巴士｜船時間表）
• 2023年 | 香港水上活動租借及價錢資料、路線玩法 (獨木舟／直立板／浮潛) 
• 每月更新 | 信用卡迎新 (附獨家連結)
• [酒店Staycation] 24小時住宿延遲Late Check Out酒店大全｜Klook、KKday、Agoda優惠列表 (不斷更新)
• 澳門船票｜比較、買一送一優惠、時間表 (2023更新)

在店員強力推薦，首先叫咗個海膽醉鮑魚做前菜，鮑魚嘅口感好彈牙，但又唔會太難咬，最重要係餐廳加入自家製嘅醬汁，所以食落去好入味同唔會好plain。上邊仲襯左啲好新鮮嘅沙律菜，同灑咗少少金箔，成個感覺好高級。

此外，主菜選擇了「Crab Avocado Duet」，分量十足，有好豐富嘅toppings，有鮮蟹肉、牛油果、水牛芝士、日式蟹籽同特色芥辣沙律醬，味道香濃！餅底本身較為厚身，煙靭有咬口。如果你係蟹嘅fans，一定叫呢個試吓！

至於，朋友是個「龍蝦控」，當然叫咗個「波士龍蝦冬陰功湯鴛鴦粉」來試。個龍蝦真係冇得輸，好新鮮同啖啖肉，最重要係去浸住啲冬陰功湯好好味。冬陰功湯甜酸適中，唔算好辣，同埋椰香好重。整碗冬陰功湯還加入秋葵、辣椒仔同鴛鴦粉，幾醒胃，應該係為咗客人口味而調。

呢個時候雖然食得有啲飽，但去到甜品/飲品環節，總有另一個胃呀！所以就選擇了「士多啤梨奶昔」，呢個奶昔唔會太甜，而且飲得出用好優質嘅鮮奶去調製呀！另外，更加上士多啤梨碎粉及迷利冬甩，好有心思，加上餐廳的花花牆，打卡一流！

Tori-Za Ten 烤烤屋

地址︰天后電氣道66號地舖